ಓತಿಕ್ಯಾತಗಳು.....

ಅವ್ವಾ..ಯವ್ವಾ.. ನನ್ನವ್ವಾ

ನಿನ್ನೇ ನೋಡೋಕ್ಬಂದೆ ಯವ್ವಾ

ನೀನ್ ಅಂದ್ರೆ ನಂಗೆ ದೇವ್ರವ್ವಾ

ಹ್ಯಾಂಗಿದ್ದೀಯವ್ವಾ..?? ಮಕ್ಳೂ ಮರಿ

ಇಡೀ ದೇಸದ್ದುಸಾಬರಿ ಕಣೇ ಅವ್ವಾ

ಅದ್ಕೇಯ ನಾಕ್ ವರ್ಸ ಬರಾಕಾಗ್ನಿಲ್ಲ

ಈ ದಪ ನಾನೇ ಯೋಳ್ತೀನಿ, ನಂಗೆ

ಮಿನಿಸ್ಟ್ರ ಕೆಲ್ಸ ಬ್ಯಾಡ ಜನ್ಸೇವೆ ಮಾಡ್ತೀನಿ ಅಂತಾ

ನಮ್ಮೂರು, ನಮ್ಜಿಲ್ಲೆ ಉದ್ದಾರ, ಕಲ್ಯಾಣ

ಎಲ್ಲಾ ಮಾಡುಮಾ ಅಂತ ಇವ್ನಿ

ಈ ದಪ ನಿಮ್ಮೆಲ್ಲಾರ್ ಓಟ್ಕೊಡ್ಸೇ ಯವ್ವಾ

ಆಟು ಮಾಡಿ ನಿನ್ನೀ ಮಗನ್ನ ಅರ್ಸು ಸಾಕು

-----------೦೦೦೦---------

ಅಮ್ಮಾ, ತಾಯಿ, ಮುಕ್ಯ ಮಂತ್ರ್ಯಮ್ಮಾ

ಓದ್ದಪಾ..ಮಳೆನೇ ಇಲ್ಲ.. ಈ ದಪ ಮಳೇನೋ

ಯಾಕೇಳನೇ ಮನೆ ಮಟ ಅಸ ಕರ ಏನೂ..

ನನ್ನಮ್ಮಗ್ಳೇ ಕೊಚ್ಕೊಂಡೋದ್ಲು ಪರ್ವಾದಾಗೆ

ನಾವೋಟ್ ಕೊಟ್ಟೋರ್ ಬರ್ನೇ ಇಲ್ಲ..

ಕೇಳೇ ಯಮ್ಮಾ ನಿನಾದ್ರೂ ನಮ್ಗೋಳು...

----೦೦೦೦೦೦--------

ತಾಯವ್ವ..ಏನ್ಮಾಡನೇ ಯಮ್ಮಾ..??

ಈ ದಪ ನನ್ ಕುರ್ಚಿನೇ ಕೊಚ್ಕೊಂಡೋಯ್ತು

ಗೆಲ್ಸಿದ್ರೇ ನೀವೆಲ್ಲಾ ನಮ್ ಪಾರ್ಟಿನಾ ?..

ಈವಾಗಿರೋ ಸರ್ಕಾರ್ದೋರ್ ಕಣ್ಣಿಟ್ಟವ್ರೆ

ಮನ್ಯಾಗ್ ಸುಮ್ ಕುಂತಿದ್ರೇ ಕ್ಷೇಮ ನಮ್ಗೆ..

ಮುಂದಿನ್ಸಲ ಗೆಲ್ಸಿ ನಮ್ಮನ್ನ ..

ಆವಾಗ ನೋಡುಮಾ ಏನಾದಾದೋ...

ಕೆಲವು "ಬಾಟಮ್ ಪಂಚ್" ಗಳು

ನೋಡಿದರೆ ಒಮ್ಮೆ

ನೋಡಬೇಕೆನಿಸುವುದು

ಮತ್ತೆ ಮಗದೊಮ್ಮೆ

ಇಳಿದಂತೆ ಆಳಕ್ಕೆ

ಇಳಿಯಬೇಕೆನಿಸುವುದು

ಕಳೆದು ಹೋಗಬೇಕೆನಿಸುವುದು

ಮತ್ತೆ ಮತ್ತೂ ಆಳಕ್ಕೆ

.......ಆ ಕಣ್ಣು.......

ಇಳಿದರೆ ಸ್ವಲ್ಪ

ಗಂಟಲಿನವರೆಗೆ

ಹೆಚ್ಚಾದರೆ ಹುಚ್ಚು

ಮೆಂಟಲಿನವರೆಗೆ

...ಮದಿರೆ.....

ಪರಿಶ್ರಮ ದಿನವಿಡೀ

ಅಂಗಾಂಗ ಸೋತಿದೆ

ಆಯಾಸ ಮೈಯಿಡೀ

ಹಾಯಿ ಸಿಗುವುದು

ಕಳೆದರೆ ರಾತ್ರಿಯಿಡೀ

........ನಿದಿರೆ.......

ಕಣ್ಣುತೆರೆದಾಗ ಕಾಣದಾದೆ

ಕಣ್ಣುಮುಚ್ಚಿ ಮರೆಯದಾದೆ

ದಿನವಿಡೀ ಸುಮ್ಮನೆ ಕಾಡುವುದು

ರಾತ್ರಿಯಾದಾಗ ಮೌನ ಹಾಡುವುದು

.................ಕನಸು................

ನನ್ನ ಹೃದಯ ಪುಸ್ತಕಲ್ಲಿದ್ದ

ನವಿಲುಗರಿ ಕದ್ದಾಗ ಅವನು

ಅನಿಸಿದ್ದು – ಹೃದಯ ಚೋರ

ನನ್ನಂತೆ ಹತ್ತಾರು ಹುಡ್ಗೀರು

ಹೇಳಿ ಮಂಡಿಗೆ ತಿಂದಾಗ

ಮನಸು-ಹೃದಯ ಮುಟ್ಟಿ ಹೇಳಿತು

...........“ಹುಶಾರು”...........

ನನ್ನ ಜೀವಂತ ಕಾಡಿದಳು

ನನ್ನ ಬಾ ಅಂತ ಬೇಡಿದಳು

ವರ್ಷಗಳೇ ಕಳೆದಿವೆ.. ಈಗ

ಬರ್ತಾಳೆ ರಾತ್ರಿ, ಕಾಡ್ತಾಳೆ....

.........”ಮೋಹಿನಿ”........

ಸನಿಹ (ಕರವೋಕೆ)

ಸನಿಹ

(ರಿಮ್ ಝುಮ್ ಗಿರೆ ಸಾವನ್)

ಚುಮುಚುಮುಚುಮು ಛಳಿಯಲಿ

ಬಿಸಿಯುಸಿರಿರೆ ಬಳಿಯಲಿ...

ಹೇಗೆ ನಾನು ಮರೆಯಲೀ...

ಇರುತಿರೆ ನೀ ಸನಿಹದಲಿ...//ಚುಮು ಚುಮುಚುಮು//

ನಿನ ಬಳೆಯ ಕಲಕಲನಾದ

ಮುಂಗುರುಳ ಲಾಸ್ಯವಿನೋದ

ಮನದಾಳದಾಸೆಯನಿಂದು

ಮುದಗೊಳಿಸಿವೆ ಬಳಿ ಬಂದು

ಮರೆಯಾಗಿದೆ ಮುಖ ಸೆರಗಲಿ

ಮಂದಸ್ಮಿತೆ ನಗುವಲಿ

ಹೇಗೆ ನಾನು ಮರೆಯಲಿ...

ಇರುತಿರೆ ನೀ ಸನಿಹದಲಿ...//ಚುಮುಚುಮುಚುಮು//

 ಮೀಟಿದೆ ಮನವೀಣೆಯನಂದು

ನವಿರಾದ ನಿನ ಬೆರಳಲ್ಲಿ

ಮರುದನಿಸಿದೆ ಸನಿಹವು ಇಂದು

ಸುಮಧುರ ಇನಿಗಾನವು

ನಿನ ನೆನಪು ಮನದಲಿ

ಒನಪು ಸದಾ ಕಣ್ಣಲಿ

ಹೇಗೆ ನಾನು ಮರೆಯಲಿ...

ಇರುತಿರೆ ನೀ ಸನಿಹದಲಿ...//ಚುಮುಚುಮುಚುಮು//

ಇಂಗೇ ಒಸಿ ಸುಮ್ಕೆ

ಚಿತ್ರ: (ಫೇಸ್ ಬುಕ್ ) ವಿಜಯಶ್ರೀ ನಟರಾಜ್ ಕೃಪೆ

ಇಂಗೇ ಒಸಿ ಸುಮ್ಕೆ

ಏನ್ಲ ತಿಂಮ ಏನಿಂಗ್ ಕೂತಿಯಾ?

ತಲೆಮ್ಯಾಗಾಕಾಶಾ ಬಿದ್ದಂಗಿದ್ದೀಯಾ??

ಬೋ ಯೋಸ್ನೆ, ನಿನ್ ಬ್ಯಾಸ್ರ ಏನ್ಲಾ ಬಡ್ಡೆತ್ತದೆ?

ಆ ಕಡೆ ನೋಡುದ್ರೆ ನಿನ್ನಮ್ಮಾನೂ ಸುಮ್ಕುಂತದೆ?

ಇಲ್ಕಲಾ ಸಿಂಗ.. ಬ್ಯಾಸ್ರ ಆಗೋ ಇಸ್ಯಾನೇಯಾ

ಅಮ್ಮಂಗ್ ಗೊತ್ತಾಯ್ತದೆ ಮುಂದಾಗೋ ಇಸಯಾ

ಅನ್ಮಪ್ಪ ಐನಾತಿ ವರ ಕೊಟ್ಟವ್ನೆ ನಮ್ಮಮ್ಮಂಗೆ

ಅವ್ಳೇಳಿದ್ಬವಿಸ್ಯ ಕೇಳಿ ಕುಂತಿವಿ ಎಲ್ಲಾ ಗುಮ್ನಂಗೆ

ನಮ್ ಪೈಕಿ ಕೆಲವ್ರು ಅಗ್ತೀವಂತೆ ಬೆಳ್ದು ಗಡವ

ನೆಲ್ದ್ ಮ್ಯಾಗೇ ಓಡಾಡ್ತೀವಂತೆ ಬಿಟ್ಟು ಮರಗಿಡ್ವ

ಅಂಗೇ ಸಾವ್ರಾರು ವರ್ಸದ್ ಮ್ಯಾಗೆ ನಿಂತು ನೆಟ್ಗೆ

ಅಲ್ದಾಡ್ತೀವಂತೆ ಕಾಡು ಮೇಡು, ಆಗ್ತೀವಂತೆ ರಾಜ್ರಂಗೆ

ಇಸ್ಯಾ ಆಟೇ ಆಗಿದ್ರೆ ಯೋಸ್ನೆ ಇರ್ನಿಲ್ಲ ತಮ್ಮ

ಬೆಳೀತೀವಂತೆ, ಇಡೀತದಂತೆ ಬೇಸಾಯದ್ಗುಮ್ಮ

ಅದ್ಕೆ ಕಾಡ್ಕಡೀತೀವಂತೆ, ನೆಲ ಬಗೀತೀವಂತೆ

ಅಂಗೇ ನಮ್ಗೋರೀನ್ ನಾವೇ ತೋಡ್ಕೋತೀವಂತೆ

ಅಂದ್ಲು ಅಮ್ಮ, ಜಾತಿ ಮತ ಧರ್ಮ ಕರ್ಮ ಬತ್ತದೆ

ಮನ್ಸಾ ಆಗ್ತೀವಿ, ತನ್ನೋರ್ಮ್ಯಾಲೇ ದ್ವೇಸ ಉಟ್ತದೆ

ಪ್ರಾಣಿ ಪಕ್ಸಿ ಏನು ನೆಲಾನೂ ಇಪರೀತ ಎದ್ರಾದೂ

ಬ್ರಮ್ಮ ಮಾಡಿದ್ದು ಬ್ರಮ್ಮನ್ಗೇ ಎಡ್ವಂಟ್ಟಾಗ್ಕುಂತದೂ

ಅದ್ಕೇ ಯೋಸ್ನೆ ಆಗದೆ, ಅಮ್ಮನ್ಮಾತು ಆದ್ರೆ ದಿಟ ?

ಅನ್ಮಂತಣ್ಣ ಎಲ್ಲಾ ಗೊತ್ತಿದ್ದೇ ಆಡವ್ನಾ ಇಂಗೆ ಆಟ?

ಯೋಳ್ಬಿಡ್ತೀನಿ.. ನಾನಿರ್ತೀನಿ ಮರದ್ಮ್ಯಾಲೆ ಇಂಗೇ

ನೀವ್ಬೇಕಾದ್ರೆ ಮನುಸ್ರಾಗಿ ನಾನ್ಕುಂತ್ಕತೀನಿ ಸುಮ್ಗೆ.



ಎರಡು ಪ್ರಕೃತಿ ಕವನಗಳು

ಹಕ್ಕಿ ಮತ್ತು ಗೂಡು

ಬಾರಕ್ಕಾ ಬಾರೇ ಕತ್ತಲಾಯ್ತು ಸೇರೋಣ ಹಾರಿ ಗೂಡು 

ಹೊರಟಾಯ್ತು ಇತ್ತ ರವಿತೇಜ ಕೆಂಪಾಗಿಸಿ ಬಾನ ನೋಡು 

ಹಗಲೆಲ್ಲ ಹಾರಿ ಹೂವ ಹಣ್ಣ ಹೆಕ್ಕಿ ಬಾಯಲೊಂದು ಕಾಳು 

ಮುಗಿಲೆಲ್ಲಾ ತೂರಿ ಬಣ್ಣ ತಿಕ್ಕಿ ಸೂರ್ಯನಿಗೂ ಬೇಕು ಕೂಳು

ಗೂಡಲಿಹವು ರೆಕ್ಕೆಯಿರದ ಕಣ್ಣು ಬಿಡದ ಕೆಂಪು ಕೊಕ್ಕ ಕೂಸು 

ಕಾಯುತಿಹವು ಗುಡುಗ, ಹಾವು ಬೇಟೆಗಾಗಿ ಬಲೆಯ ಬೀಸು 

ಅಪ್ಪ ಅಮ್ಮ ಹೋಗಿಬರಲು ಎಂದಿನಂತೆ ಋತುಚಕ್ರ ವಲಸೆ 

ಕಲಿಯಲೆಂದು ನಾನು ನೀನು ಹೋರಾಟ ಜೀವನದ ವರಸೆ 

 ಹುಟ್ಟು- ಭೂಮಿ ಜೀವ 

ಭೂಮಿಯೊಂದು ಬೆಂಕಿ ಚಂಡು ನೊಂದು 

ಸಿಡಿಯಿತಂತೆ ಸೂರ್ಯನಿಂದ ಅಂದು 

ವೇಗ ಆವೇಗ ಭರ ನಿರ್ಭರ ತಂತು ಕಕ್ಷೆ

ಆಯ್ತು ಗ್ರಹ ತನಗೊಂದು ಉಪಗ್ರಹ ನಕ್ಷೆ

ಅಣು, ಕಣ ಅನಿಲ ಕರಗಿ ಮೂರ್ಭಾಗ ಜಲ 

ಗರ್ಭದಿ ಲಾವ ಗಣಿಸಿರಿ ಮೇಲೆ ಜೀವಸಂಕುಲ 

ಹುಟ್ಟಿದ್ದು ಮೊದಲು ಅಣುತುಂಬಿ ಏಕಕೋಶಿ

ರವಿ ತೇಜ ತಿಂದು ಅನಿಲ ಕುಡಿದು ಸಸ್ಯರಾಶಿ 

ಬಹುಕೋಶಿ, ಜೀವಿಹೊಂದಿ ಅಂಗಾಂಶ ಹಲವು 

ಸೃಷ್ಠಿಯ ವಿಸ್ಮಯ ಜೀವ ವಿಕಸನ ಹಾದಿ ಜಲವು

ಒಂದೆಡೆ ಸಸ್ಯ ಮಗದೊಂದೆಡೆ ಪ್ರಾಣಿ ಸಹಜ 

ಬಂದ ಮನುಜ- ಬೇಟೆ, ಹೊಲ ಕಾಳು ಕಣಜ 

ಮಳೆ ಬೆಳೆ, ಕೈಗಾರಿಕೆ ಕ್ರಾಂತಿ, ತಂದು ಭ್ರಾಂತಿ 

ಇಲ್ಲವಾಗುತಿದೆ ಪ್ರಕೃತಿ ಮನುಕುಲಕೆ ನಿತ್ಯ ಶಾಂತಿ

ನಿಜವಾಗ್ಲೂ ಗೊತ್ತಿಲ್ಲ ಮಗು

(ಚಿತ್ರಗಳು: ಅಂತರ್ಜಾಲದ ಕೃಪೆ)

ಅಪ್ಪಾ...

ಏನ್ಮಗಾ...?

ನಾನು ಓಟ್ ಆಕಾದು ಇನ್ನೂ ಎಷ್ಟ್ ವರ್ಷಕ್ಕೆ?

ಯಾಕ್ ಕಣ್ಮಗಾ?

ಮೊಬೈಲು ಪೋನ್ ನೋಡಾಕೆ ಬರ್ದೇ ಇರೋರ್ಗೆ ಓಟ್ ಆಕಾಕೆ....

ಅದ್ಯಾಕ್ಮಗಾ ಈವಾಗೆಲ್ಲಾರ್ಗೂ ಬತ್ತದೆ ಅದು..ಓದಿರ್ಲಿ ಇಲ್ದೇ ಇರ್ಲಿ...

ಮತ್ತೆ ಅದೇನೋ ಇಸ್ಸಿಸ್ಸಿ ನೋಡ್ತಾ ಇದ್ರಂತೆ ನಮ್ ಇದಾನ್ ಸೌದ್ದಾಗೆ ಮಿನಿಸ್ಟ್ರು..?

ನಂಗೊತ್ತಿಲ್ಲ ಮಗ....

ಅಪ್ಪಾ....

ಸಾಸಕರು ಇದಾನ್ಸೌದ್ದಾಗೆ ಪರ್ಮಾಣ ವಚ್ನ ತಗೋತಾರಲ್ವಾ?

ಔದ್ಕಣ್ಮಗಾ? ದೇವ್ರ ಎಸರ್ನಾಗೆ- ಕಪಟ ವಂಚ್ನೆ ಏನೂ ಇಲ್ದೇ 

ಜನ್ರ ಇತ ಕಾಪಾಡೋ ಕೆಲ್ಸ ಮಾಡ್ತೀವಿ ಅಂತ.

ಮತ್ತೆ ದೇವಸ್ತಾನ್ದಂಗಿರೋ ಇದಾನ್ಸೌದ್ದಾಗೆ

 ಇಸ್ಸಿಸ್ಸಿ ನೋಡ್ತಿದ್ರಲ್ಲಾ... ಪರ್ಮಾಣ್ ಮುರ್ದಂಗಲ್ವಾ?

ನಂಗೊತಿಲ್ಲ ಮಗಾ..??

ಅಪ್ಪಾ...

ಏನ್ಮಗಾ..?

ನೀನೂ ಎಷ್ಟ್ ಕಿತ ಓಟ್ ಮಾಡಿದ್ದೀಯಾ?

ಒಂದಾರ್ ಏಳ್ ಕಿತ......

ನಿಂಗೆ ಮೊಬೈಲ್ ಪೋನು ನೋಡಾಕ್ಕೆ ಬರೊಲ್ಲ ಅಲ್ವಾ?

ಊಂ ಕಣ್ಮಗಾ ಗೇಯ್ಮೆ ಮಾಡ್ಕಂಡ್ ಇದೆಲ್ಲಾ ಎಲ್ಲಿ ಕಲೀಮಾ??

ಅಂಗಾರೆ ಈ ಕಿತ ಎಲೆಕ್ಸನ್ಗೆ ನಿಂತ್ಕ ಗೆದ್ದೇ ಗೆಲ್ತೀಯಾ

ಆಮ್ಯಾಕ್ಕಾದ್ರೂ ಪೋನ್ ನೋಡೋದು ನಾನ್ಕಲೀದಿದ್ರೆ ಆಗಾಣಿಲ್ಲ..

ಅಂಗಾರೆ...ನೀನೂ ಇಸ್ಸಿಸ್ಸಿ ನೋಡಿಯಾ..??

ನಂಗೊತ್ತಿಲ್ಲ ಮಗ.

ಒಂದು ಅಳ್ಳಿ ನೆಪ್ಪು

Foto ಕೃಪೆ: ಅಂತರ್ಜಾಲ 

ಓಗಿದ್ದೆ ಬೋ ದಿನದ್ಮ್ಯಾಕ್ಕೆ ಅಳ್ಳಿಗೆ ಬಸ್ನಾಗೆ

ಕೆ. ಕ್ರಾಸ್ನಾಗ್ ಇಳ್ದವ್ನೇ ನಡ್ದೆ ಕಂಮ್ದಳ್ಳಿಗೆ,

ಗದ್ದೆ, ಒಲ ಮಾವಿನ್ತೋಪು, ಕೆರೆ ಕೋಡಿ

ನಮ್ಮಳ್ಳಿ ಅಂದ್ರೇನೇ ಏನೋ ಒಂಥರ ಮೋಡಿ,

ಬಯ್ಲಾಗೆ ಮೇಯ್ತಾ ಇದ್ದೋ -ಮ್ಯಾಕೆ, ಕುರಿ

ಎತ್ಗೋಳು, ನಾಲ್ಕಾರೆಮ್ಮೆ, ಏರಿದ್ವು ಏರಿ

ಎಗ್ಲ್ ಮ್ಯಾಗ್ ಪಟ್ಟೆ ಟವ್ಲಾಕ್ಕೊಂಡ್

ಚಡ್ಡಿ ಲಾಡಿ ಮಾರುದ್ದ್ ಬಿಟ್ಕೊಂಡ್

ಎಲ್ಲಾ ಮೇಯಿಸ್ತಿದ್ದ ಎಂಕ್ಟನ್ಮಗ ಚಾಮಿ

ಮೊಣ್ಕಾಲ್ಗಂಟ ಸೀರೆ ಕಟ್ಕೊಂಡ್

ಬತ್ತದ್ಪೈರು ನಾಟಿ ಆಕ್ತಿದ್ಲು ಸುಬ್ರಾಮಿ

ಅಟ್ಟಿ ಅತ್ರ ಬತ್ತಿದ್ದಂಗೆ ಘಮ್ ಅಂತ ವಾಸ್ನೆ

ನನ್ನಜ್ಜಿ ನಾಗವ್ವ ಸಂಬ್ರಮ್ದಾಗೆ ಕೋಲೂರ್ಕಂಡ್

ನೋಡಾಕ್ಬಂದ್ಲು ಕುಸ್ಯಾಗಿ ಎತ್ತ್ಯಾಡ್ಸಿದ್ ಕೂಸ್ನೆ

ಮಕ ಇಸ್ಟಗ್ಲಾ ಮಾಡ್ಕಂಡು ಬೊಚ್ಬಾಯ್ ಬಿಟ್ಕಂಡ್

ಅಂದ್ಲು, ಬಾಲ ಮಗ ಬಾಲ, ಏನೀಪಾಟೀ ಸೊರ್ಗೀಯಾ?

ವಜನ್ನಿಳ್ಸಾಕೆ ಏರೋಬಿಕ್ಕು ಮಾಡ್ತೀನಿ ಏನಿಂಗಂದೀಯಾ?

ವಾಸ್ನೆ ಎಳ್ಕೊಂಡೋಯ್ತು ನನ್ನ ಅಡ್ಗೆ ಮನ್ಗೆ

ಕೈಕಾಲ್ತೊಳ್ದೋನೆ ಎತ್ಕೊಂಡೆ ಊಟದ್ತಣ್ಗೆ

ಅವ್ವ ಎತ್ಕೊಂಡ್ಬಂದ್ಲು ಮಂಕ್ರಿ ತುಂಬಿ ಬಿಸ್ಬಿಸಿ ಮುದ್ದೆ

ಜೊತ್ಗೆ ಅಸ್ಯವ್ರೆಕಾಳ್ಸಾರು, ಉಣ್ಸೆ ಉಳಿ ಮಾವಿನ್ಗೊಜ್ಜು

ಚಪ್ಪರಿಸ್ಕೊಂಡ್ ತಿಂದೆ ಗಡದ್ದಾಗಿ ನಾಕ್ನಾಕ್ ಮುದ್ದೆ

ಇಂಗೇ ತಿಂದ್ರೆ ಇರೊಲ್ಲ ಸಕ್ರೆ ಕಾಯ್ಲೆ ಬರೊಲ್ಲ ಬೊಜ್ಜು