Thursday, July 7, 2011

ಪುಟ್ಟಿಯ ವಿಸ್ಮಯ

(ಚಿತ್ರ ಕೃಪೆ: ಶ್ರೀ ಆನಂದ್ ಮತ್ತು ಶ್ರೀಮತಿ ಸೌದಾಮಿನಿ)

ಪುಟ್ಟಿಯ ವಿಸ್ಮಯ

ಓ..ಓ...ಅಲ್ನೋಡೇ ಅಮ್ಮಾ... ಅಬ್ಬಾ...!!!
ಎಂತಾ ಸಾಲು..!! ಕೆಂಪಗೆ ಒಂದರ ಹಿಂದೊಂದು
ನಾವು ಪ್ರೇಯರ್ ಗೆ ಸ್ಕೂಲಲ್ಲಿ ಹೋಗೋ ಹಂಗೆ
ಸಕ್ರೆ ತುಂಡು ಹಿಡ್ಕಂಡು..ಎಂತ ಡಿಸಿಪ್ಲಿನ್ನು ಅಲ್ಲಾ...??

ಆಮೇಲೆ...ಅಲ್ಲಿ ನೋಡು ಚಿಕ್ಕ ಮರಿ ಕಷ್ಟಪಡ್ತಿದೆ..
ಅರೆ,,,ಬಂತು..ಅದರ ಅಣ್ಣ ಅನ್ಸುತ್ತೆ..ಹೆಲ್ಪ್ ಮಾಡೋಕೆ
ಹಹಹ ಅಲ್ಲಿ..ಅಲ್ಲಿ..ಓ...ಈಗ ಕುಶಿ ಮರಿಗೆ ಕಾಣುತ್ತೆ
ಹಿಂದೆ..ಅಯ್ಯೋ ಗಡವ ಬತ್ತಿದೆ..ಅಯ್ಯೋ ..
ಡ್ಯಾಶ್ ಆಯ್ತು ..ಇಲ್ಲ ಇಲ್ಲ...ಪಕ್ಕ ಹೋಯ್ತು...

ಅಮ್ಮ ಅದು ಯಾರು...?? ದೊಡ್ಡದು..
ಅಪ್ಪನ್ ಥರ ಡುಮ್ಮ..ಮರಿನ ಮೇಲೆ ಎತ್ಕೊಂಡ್ತು
ಹೋಗ್ತಾ ಇದೆ,,,ಹಹಹ ನನ್ನ ಅಪ್ಪ ಎತ್ಕೊಳ್ಳೋ ಥರಾ...
ಎಲ್ಲಾ ಅದಕ್ಕೆ ದಾರಿ ಬಿಡ್ತಾ ಇವೆ...ಅದು ..ರಾಜಾನಾ..??

ಓ..ಓ..ಅಲ್ಲಿ ನೋಡೇ ಅಮ್ಮಾ... ಕ್ವೀನು...
ನಂಗೊತ್ತು..ನಿನ್ ತರಾ ಕ್ಯೂಟು...ರೆಡ್ಡು..
ಅರೆ ..ರಾಜಾನೂ ದಾರಿ ಬಿಡ್ತು ಅದಕ್ಕೆ...
ಎಂಥಾ ಡೌಲು..ಅಲ್ಲಾ...?? ಕುಶಿ ಆಯ್ತು
ಹೌದೂ.. ಅಮ್ಮಾ ..ಎಲ್ಲಿಗೋಗ್ತಿದೆ ಇರುವೆ ಸಾಲು???

24 comments:

  1. ಅಜಾದ್ ಸರ್ ಮಗುವಿನ ಅಚ್ಚರಿಯ ಭಾವನೆಯನ್ನು ಸೆರೆಹಿಡಿದ ಛಾಯಾಗ್ರಾಹಕರಿಗೆ ಸಲಾಂ, ಹಾಗು ಅದಕ್ಕೆ ಸಾತ್ ನೀಡುವಂತೆ ಕವಿತೆ ಬರೆದ ಕವಿಗೆ ಶರಣು . ಮಗುವಿನ ಭಾವನೆಗೆ ತಕ್ಕಂತೆ ಕವಿತೆ ಬಂದಿದೆ,ಇಷ್ಟ ಆಯ್ತು .ಗುಡ್

    --
    ಪ್ರೀತಿಯಿಂದ ನಿಮ್ಮವ ಬಾಲು.[ನಿಮ್ಮೊಳಗೊಬ್ಬ ]

    ReplyDelete
  2. muddaada chitraanjaliya acchariya bhaava teredittiruva pari sundaravaagide.

    ReplyDelete
  3. ಬಾಲು ಧನ್ಯವಾದ...ವಿಸ್ಮುಯಳ ಫೋಟೋ ನೋಡಿದಾಗಿನಿಂದ ಕಾಡ್ತಾ ಇದ್ದು..ಅದಕ್ಕೆ ರೂಪ್ ಕೊಡೋಕೆ ಆಗಿರ್ಲಿಲ್ಲ...ನಿನ್ನೆ ಇರುವೆ ಸಾಲನ್ನು ನೋಡಿ ಅಚ್ಚರಿ ಪಡೋ ಒಂದು ಪುಟ್ಟ ಮಗುವನ್ನು ನೋಡ್ದೆ...ಆಗ ಹರಿದ ಕಲ್ಪನಾ ಲಹರಿ...

    ReplyDelete
  4. ಧನ್ಯವಾದ ಕಲರವ ಮೇಡಂ ಇದು ವಿಸ್ಮಯಳ ಭಾವಚಿತ್ರ...ಚಿತ್ರಾಂಜಲಿ ಕಳುಹಿಸಿದ್ದು..ಅವಳ ಮುಖಭಾವಕ್ಕೆ..ಹೊಂದಿಸೋ ಯತ್ನದಲ್ಲಿ ಬರೆದ ಕವನ..

    ReplyDelete
  5. ಮುದ್ದಾದ ಮಗುವಿನ ಚಿತ್ರದ ಜೊತೆ ಚಂದದ ಕವಿತೆ ...

    ReplyDelete
  6. ಧನ್ಯವಾದ ಶಶಿ...ನಿಮ್ಮ ಮುದ್ದಾದ ಪ್ರತಿಕ್ರಿಯೆಗೂ..

    ReplyDelete
  7. ಚಂದದ ಕವಿತೆ ಮುದ್ದಾದ ವಿಸ್ಮಯಗೆ.....

    ReplyDelete
  8. ಇರುವೆ ಸಾಲು ಉದ್ದಾಗಿತ್ತು
    ನಿಮ್ಮ ಪುಟ್ಟಿ ಮಾತಾಡಿತ್ತು
    ಅಪ್ಪನಿಗೆ ಡುಮ್ಮ ಅಂತ
    ಅಮ್ಮನಿಗೆ ಕ್ವೀನು ಅಂತಾ
    ಚಿಕ್ಕ ಮರಿ ಕಷ್ಟ ಹೇಳಿತ್ತು
    ಅಣ್ಣನ ಹೆಲ್ಪು ಕಾನಿತ್ತು
    ರಾಜನಿಗೂ ಕ್ವೀಟು ರೆಡ್ದು
    ಇರುವೆ ಮೇಲೆ ಪ್ರೀತಿ ಇತ್ತು
    ನಿಮ್ಮ ಕವನ ಎಲ್ಲ ಇರುವೆಗೂ ಹಿಡಿಸಿತ್ತು ..

    ಸರ್ , ಯಾವುದರ ಮೇಲೆ ಯಾವಾಗ್ ನೀವು ಕವನ ಬರಿತಿರ ಅಂತಾ ಹೇಳುವುದು ಕಷ್ಟಾನೆ
    ಚೆನ್ನಾಗಿದೆ ನಿಮ್ಮ ಪುಟ್ಟಿಯ ಕವನ ಮತ್ತು ಅವಳ ಮುಗ್ಧ ಮಾತುಗಳು ...

    ReplyDelete
  9. ha ha ha tumba chennagide kavana bayya..puttiya mukhadalli vyakthavaagiro vismaya da bhaavanege sariyaagi saalu jodisidira..chennagide.

    ReplyDelete
  10. ಜಲನಯನ,
    ಮುದ್ದು ಮಗುವಿನ ಅಚ್ಚರಿಯನ್ನು ಹೊಮ್ಮಿಸುವ ಭಾವಚಿತ್ರ ಬಲು ಸೊಗಸಾಗಿದೆ. ಅವಳ ಅಚ್ಚರಿಯನ್ನು ಕಲ್ಪಿಸಿ, ಮುದ್ದಾದ ಕವನಕ್ಕೆ ಇಳಿಸಿದ್ದೀರಿ. ಅಭಿನಂದನೆಗಳು.

    ReplyDelete
  11. ಪುಟ್ಟಿ ಸಿಕ್ಕಾಪಟ್ಟೆ ಮುದ್ದಾಗಿದ್ದಾಳೆ. ಅಬ್ಬಬ್ಬಾ... ಅದೇನು ಭಾವ ! ಕವನ ಕೂಡ ಚೆನ್ನಾಗಿದೆ ಸಾರ್...

    ಶ್ಯಾಮಲ

    ReplyDelete
  12. ಧನ್ಯವಾದ ಮಹೇಶ್...ಮುದ್ದು ಪುಟ್ಟಿಗೆ ನನ್ನದೂ ಧನ್ಯವಾದ,,,ಮತ್ತು ಆಶೀರ್ವಾದ..

    ReplyDelete
  13. ಕೀರ್ತಿ...ನಿಮ್ಮ ಕವನಕ್ಕೆ ಕವನದ ಪ್ರತಿಕ್ರಿಯೆಗೆ ಧನ್ಯವಾದ,,

    ReplyDelete
  14. ಚೇತು ನಿನ್ನಷ್ಟೇ ಖುಷಿ ಆಯ್ತು ನನಗೂ ಈ ಮುದ್ದು ಪುಟ್ಟಿಯ ಭಾವಚಿತ್ರ ಕಂಡಾಗ...ಧನ್ಯವಾದ ನಿನ್ನ ಪ್ರತಿಕ್ರಿಯೆಗೆ.

    ReplyDelete
  15. ಸುನಾಥಣ್ಣ....ಧನ್ಯವಾದ ನನಗೆ ಚಿತ್ರದ ಗುಣಮಟ್ಟಕ್ಕೆ ..ಆ ಮುದ್ದು ಪುಟ್ಟಿಯ ಮುಖಭಾವಕ್ಕೆ ಹೊಂದಿಕೊಂಡಂತೆ ಕವನ ರಚಿಸಲಾಯಿತೋ ಇಲ್ಲವೋ ಎನ್ನುವುದು ನನ್ನ ಆತಂಕ...ಧನ್ಯವಾದ ನಿಮ್ಮ ಪ್ರತಿಕ್ರಿಯೆ ಮತ್ತು ಪ್ರೋತ್ಸಾಹಕ್ಕೆ.

    ReplyDelete
  16. ಧನ್ಯವಾದ ವಿಜಯಶ್ರೀ...

    ReplyDelete
  17. ಶ್ಯಾಮಲಾವ್ರೆ...ಹೌದು ಪುಟ್ಟಿ ತುಂಬಾ ಕ್ಯೂಟ್ ಅದರ ಜೊತೆಗೆ ಪುಟ್ಟಿಯ ಮುಖ ಭಾವ ಇನ್ನೂ ಸೂಪರ್....

    ReplyDelete
  18. ತುಂಬಾ ಚೆನ್ನಾಗಿದೆ ಸರ್ ಕವನ... ಪುಟ್ಟಿ ಮಾತ್ರ ಸೂಪರ್, ಮಸ್ತ್ ಪೋಟೋ

    ReplyDelete
  19. ಆ ಪುಟ್ಟಿ ಹೇಗೆ ಸುಂದರವಾಗಿ, ಮುದ್ದಾಗಿದ್ದಾಳೊ ಹಾಗೆಯೆ ಸೊಗಸಾಗಿದೆ ಕವಿತೆ

    ReplyDelete
  20. ಚಿತ್ರ-ಚಿತ್ರಣ.....ಮೋಡಿ ಮಾಡುತ್ತವೆ..:) ಅಭಿನ೦ದನೆಗಳು ಸರ್.

    ಅನ೦ತ್

    ReplyDelete
  21. ಧನ್ಯವಾದ ಸುಗುಣ...ಮಗು ತುಂಬಾ ಎಕ್ಸ್ ಪ್ರೆಸಿವ್ ಪೋಸ್ ಕೊಟ್ಟಿದೆ..ಅಲ್ವಾ??

    ReplyDelete
  22. ಆಶಾವ್ರೆ ಧನ್ಯವಾದ ಮಗುವಿನ ಭಾವಕ್ಕೆ ತಕ್ಕ ಕವನ ಬರೆಯುವ ಪ್ರಯತ್ನ...

    ReplyDelete
  23. ಅನ್ಂತ್ ಸರ್ ಧನ್ಯವಾದ ನಿಮ್ಮ ಪ್ರೋತ್ಸಾಹಕ್ಕೆ

    ReplyDelete