ಭಾವ ಮಂಥನ

ಛಾಯಾ ಚಿತ್ರ:  ಪ್ರಕಾಶ್ ಹೆಗ್ಡೆ

ಜೀವನದಿ

ಹುಟ್ಟುಹಾಕಲು ಬೇಕು

ಗುಟ್ಟು ಅರಿಯಲು ಬೇಕು

ಇಲ್ಲವಿದು ಸುಲಭ ಹಾದಿ

ಮೆಟ್ಟಿ ಉಬ್ಬರಿಸೋ ಅಲೆ

ಜೀವ ಬಿಗಿಗೊಳಿಸೋ ಸೆಲೆ

ಏರಲೆಂದು ಬಯಸಿ ಗಾದಿ

ಬಿಟ್ಟು ತೀರದ ಬದುಕು

ಕಟ್ಟು ಬಾಳಿನ ಸರಕು

ನೀರ ಸೋಸುವುದೂ ಕಲೆ

ಜಲನಯನದ ಸೊಬಗು

ರುದ್ರ ಶರಧಿಯೂ ಮೆರಗು

ಹಾಯಿ-ಹಡಗು ಮೀನಬಲೆ

ಸುಳಿಗಳಿಲ್ಲದೇ ಎಲ್ಲಿದೆ ಜಲಧಿ

ಅಗಣಿತ ಗುಣ ಜಲಪರಿಧಿ

ಗಣಿ-ತೈಲ ಮುತ್ತು ಹುಟ್ಟುವುದಿಲ್ಲಿ

ನೆಲದಿ ಹರಿದಾಡಿರೆ ಸಿಹಿ

ಸಿಹಿಕೂಡಿ ಉಪ್ಪಿನಾಮೋಹಿ

ಸಾವಿನಲ್ಲೂ ದಿಟ ಬದುಕಿಹುದಿಲ್ಲಿ