ಭಾವ ಮಂಥನ

(ಕೃಪೆ: ಪ್ರಕಾಶ್ ಹೆಗ್ಡೆ - ಬ್ಲಾಗ್ ಛಾಯಾಚಿತ್ತಾರದಿಂದ)

ನಿರೀಕ್ಷೆ

ಕಾದು ಕಾದು ಕಾತರತೆ ಸತ್ತಿದೆ

ಕುಳಿತಿದ್ದೆ ಬೆಳಕಲಿ ದೀಪ ಬತ್ತಿದೆ

ನಿನಗೇನು? ನಿನಗಿನ್ನೂ ಹೊತ್ತಿದೆ..

ನಾ ಬೆಳಕಿಂದ ಕತ್ತಲೆಡೆಗೆ ಜಾರಿದೆ

ಮೇಲಿಂದ ಬರಲು ಏನಡ್ಡಿ ?

ನನ್ನರ್ಥಮಾಡಿಕೋ ಏ ದಡ್ಡಿ

ನಂಬಿ ಕುಳಿತಿರುವೆ ನಿನ್ನನೇ...

ಮುಳುಗುವವಗೆ ಆಸರೆ ಹುಲ್ಲು ಕಡ್ಡಿ

ಮಹಡಿಯಿದು ನಿನ್ನದು

ಗಡಿಯದುವೇ ನನ್ನದು

ಕೈಬಿಡಬೇಡವೆಂದವಳು...

ಕೈಕೊಡುವುದು ಸಲ್ಲದು

ಅಂಗಳದಿ ಬೆಳಕು ಮಾಯವಾಗುವ ಮುನ್ನ

ತಿಂಗಳದು ಕರಗಿ ಕತ್ತಲಾಗುವ ಮುನ್ನ

ಕಂಗಳಲಿ ತುಂಬಿಕೊಳ್ಳಲುಬಹುದೇ?..

ನಿನ್ನಂದ ಚಂದವಿದು ಕರಗುವಾ ಮುನ್ನ