ಭಾವ ಮಂಥನ

2012-01-27T04:19:00.000-08:00

ಸಹಾಯ ಮಾಡೋದು ಕೆಲವೊಮ್ಮೆ..???!! ಆದ್ರೂ ಪರ್ವಾಗಿಲ್ಲ..

ನನ್ನ ಎಮಿರೇಟ್ಸ್ ಏರ್ ಅನುಭವ ನಿಮ್ಮೊಂದಿಗೆ ಹಂಚಿಕೊಂಡಾಗಯಾರೋ ಸ್ನೇಹಿತರು ಚಾಟಲ್ಲಿ ..”ಏನ್ಸಾರ್ ಹೆಲ್ಪ್ ಮಾಡೋಕೆ ಹೋಗಿ ಎಂತಹಾ ಎಡವಟ್ಟಿಗೆ ಸಿಕ್ಕಿಹಾಕ್ಕೊಂಡ್ರಿ..??!! ತುಂಬಾ ಟೆನ್ಸ್ ಆಗಿಬೇಕು ಅಲ್ವಾ??”

ನಾನಂದೆ “ಇಂಥ ಅನುಭವ ಒಮ್ಮೆ ತುಂಬಾ ಹಿಂದೆ ಆಗಿದೆ, ಆದರೆಅದು ನಮ್ಮ ದೇಶದಲ್ಲಿ ಆದದ್ದು..ಹಾಗಾಗಿ ಸ್ವಲ್ಪ ಟೆನ್ಸ್ ಆದ್ರೂ - ಅನುಭವ ಧೈರ್ಯ ತುಂಬಿತ್ತು” ಅಂತಹೇಳಿದ್ದೆ.

“ಅದನ್ನೂ ಹಂಚ್ಕೋಬಹುದಲ್ಲ ನಮ್ಮ ಜೊತೆ” ಅಂದಿದ್ರು ಅವರು.ಈಗ ಏಕಾಏಕಿ ಆ ಯೋಚನೆ ಬಂತು. ಅದನ್ನೇ ಇಲ್ಲಿ ನಿಮ್ಮ ಜೊತೆ ಹಂಚ್ಕೋತಾ ಇದ್ದೇನೆ.

ಸುಮಾರು ಇಪ್ಪತ್ತೈದು ವರ್ಷಕ್ಕೆ ಹಿಂದಿನ ಘಟನೆಇದು........................................

ಬೆಂಗಳೂರಿಂದ ಹೌರಾಗೆ ಹೊರಟ ಕೋರಮಂಡಲ್ ನಲ್ಲಿ ವಿಜಯವಾಡಬಿಟ್ಟ ಮೇಲೇ ನನ್ನ ಆರ್ ಎ ಸಿ ಕನ್ಫರ್ಮ್ ಆಗಿ ಬರ್ತ್ ಸಿಕ್ಕಿದ್ದು. ಹೌರಾದಿಂದ ಮತ್ತೆ ಇಂಫಾಲ್ ಗೆಫ್ಲೈಟ್ ಹಿಡಿಯೋದು ಅಂತ ನಿರ್ಧರಿಸಿ ಬೆಂಗಳೂರಲ್ಲೇ ಟಿಕೆಟ್ ಸಹಾ ಮಾಡಿಸಿದ್ದೆ. ಸರಿ ಲಗೇಜ್ಎಲ್ಲಾ ಸಾಗಿಸ್ಬೇಕು ಅಂತ ಇದ್ದಾಗ ಇನ್ನೂ ತಮ್ಮ ಬರ್ತ ಕಂಫರ್ಮ ಆಗಿರದ ನನ್ನ ಆರ್ ಎ ಸಿ ಜೊತೆಗಾರಕನ್ನಡದವರು ಒಬ್ರು, “ನೀವು ನಿಮ್ಮ ಸೀಟಿಗೆ ಹೋಗಿ ನೋಡಿ ಅಲ್ಲಿ ಒಂದು ಲಗೇಜ್ ಇಟ್ಟು ಬನ್ನಿ,ಮತ್ತೆ ನಾನೂ ನೀವು ಮಿಕ್ಕ ಲಗೇಜ್ ಇಟ್ಟು ಬರೋಣ”.....ಅಂದ್ರು...

ನಾನು ಒಂದು ಸೂಟ್ ಕೇಸ್, ಸರಪಳಿ ಮತ್ತು ಬೀಗ (ಇದುಸಾಮಾನ್ಯವಾಗಿತ್ತು, ಆಗ...ಈಗಲೂ ಸಹಾ..ಇಲ್ಲಾಂದ್ರೆ ಸೂಟ್ ಕೇಸೇ ಮಾಯ ಆಗೋದು ಮಾಮೂಲು..!!!) ಎಲ್ಲಾತೆಗೆದುಕೊಂಡು ಒಂದು ಡಬ್ಬದ (ಕೋಚ್) ನಂತರದ ಡಬ್ಬ (ಕೋಚ್) ದಲ್ಲಿದ್ದ ಸೀಟು/ಬರ್ತ್ ಗೆ ಹೋಗಿಅಲ್ಲಿಟ್ಟು ಪಕ್ಕದಲ್ಲಿದ್ದ ಒಬ್ಬ ಮಹನೀಯರಿಗೆ

“Can I leave this here and get my other luggage,please can U keep a watch on this? I will chain it and lock it also” (ಲಗೇಜ್ಇಲ್ಲಿಟ್ಟು ನನ್ನ ಮಿಕ್ಕ ಲಗೇಜ್ ತರಬೇಕು ಸ್ವಲ್ಪ ಇದನ್ನ ಗಮನಿಸ್ತೀರಾ ಸರ್) ಎಂದೆ.

ಆತ “OK no problem ..go and come..” ಅಂತಹೇಳ್ದ. ಜಲಬಾಧೆ ಬೇರೆ ಹೆಚ್ಚಾಗಿತ್ತು.. ಅವಸರದಲ್ಲಿ ರಿಯಲೈಸ್ ಆಗಿರ್ಲಿಲ್ಲ.. ಈಗ ಬರ್ತ್ಸಿಕ್ಕು ನಿರಾಳ ಆದಮೇಲೆ.. ಅದೂ.. ಈಗ ನನ್ನ ನೋಡು ಅಂತ ಎಚ್ಚರಿಸೋಕೆ ಶುರು ಹಚ್ಕೊಳ್ತು. ಆ ಕೋಚ್ ನಕಡೆಯಲ್ಲಿದ್ದ ಟಾಯ್ಲೆಟ್ಟಿಗೆ ಹೋದೆ, ಉಸ್ಸಪ್ಪಾ.... ಎಂಥಾ ರಿಲೀಫ್ ಅಲ್ವಾ?? ಜಲಬಾಧೆ ವಿಪರೀತ ಆಗಿಅದನ್ನ ನಿವಾರಿಸ್ಕೊಂಡಾಗ...!!!!??

ಕೈ ತೊಳೆದು ಮುಖಕ್ಕೆ ಸ್ವಲ್ಪ ತಣ್ಣೀರು ಚಿಮುಕಿಸಿಸ್ಕೊಂಡು ಹೊರ ಬರಬೇಕು.. ಕೆಳಗಡೆ ಒಂದು ಪರ್ಸ್ಕಾಣಿಸ್ತು...!! ಜೇಬು ನೋಡ್ಕೊಂಡೆ ..ಅಬ್ಬಾ...!! ಇದೆ ನನ್ನ ಪರ್ಸು..!!! ಯಾರದ್ದೋ ಪಾಪ.. ಅಂತಅದನ್ನ ತೆಗೆದು ಜೇಬಿಗೆ ಹಾಕಿಕೊಂಡೆ... ಹೊರಗಡೆ ಬಂದು... ಮಧ್ಯದಲ್ಲಿದ್ದ ನನ್ನ ಸೀಟಿನ ಕಡೆಗೆಹೋಗುವಾಗ ಬಹುಶಃ ಟಾಯ್ಲೆಟ್ಟಿನಿಂದ ಮೂರನೇ ಕೂಪೆ (ಪಾರ್ಟಿಶನ್), ನಲ್ಲಿದ್ದ ಸುಮಾರು ೪೫-೪೮ವರ್ಷ ವಯಸ್ಸಿನವರೊಬ್ಬರು ಆತಂಕದಲ್ಲಿ ದಾರಿಯನ್ನು ಅಡ್ಡಗಟ್ಟಿ ತಮ್ಮ ಫ್ಯಾಮಿಲಿ ಲಗೇಜ್ ಎಲ್ಲಾಗಡಿಬಿಡಿಯಲ್ಲಿ ಹುಡ್ಕಾಡ್ತಾ ಇದ್ದರು... ನಂತರ ನನ್ನನ್ನ ದಾರಿ ಬಿಡಿ ಅನ್ನೋ ತರಹಹೇಳಿ..ಪಕ್ಕಕ್ಕೆ ತಳ್ಳುತ್ತಾ ಟಾಯ್ಲೆಟ್ ಕಡೆಗೆ ಹೋದರು.. ನನಗೆ ಬಹುಶಃ ಅವರು ಹುಡುಕುತ್ತಿದ್ದುದುಪರ್ಸೇನಾ?? ಎನ್ನುವ ಅನುಮಾನ ಬಂತು.. ಟಾಯ್ಲೆಟ್ಟಿಗೆ ಹೋಗಿ ..ಅಷ್ಟೇ ಅವಸರವಾಗಿ ಬಂದವರುಬಂಗಾಲಿಯಲ್ಲಿ .. ತಮ್ಮ ಆತಂಕದಲ್ಲಿದ್ದ ಹೆಂಡತಿಗೆ “ಅಲ್ಲೂ ಇಲ್ಲ ಕಣೇ” ಅನ್ನೋ ಹಾಗೆ ಏನೋಹೇಳಿದ್ರು... ..

ನಾನು “sir, excuse me. What are you searchingfor?” (ಏನು ಹುಡುಕುತ್ತಿದ್ದೀರಾ ಸರ್?) ಎಂದೆ.,.. ಆತ ಅಸಡ್ಡೆಯಿಂದ..ಅಸಹನೆಯಿಂದ... “ಕಿಚೂನಾಯ್” ಅಂದ... ಆಮೇಲೆ ಆತನಿಗೆ ಅನಿಸಿರಬೇಕು.. “nothing Bhai.. .. did u see any purse…there?” (ಏನಿಲ್ಲ.... ಅಂದಹಾಗೆ ನೀವು ಯಾವ್ದಾದ್ರೂಪರ್ಸ್ ನೋಡಿದ್ರಾ??) ಅಂದ. ನಾನು ನನ್ನ ಜೇಬಿನಲ್ಲಿದ್ದ ಟಾಯ್ಲೆಟ್ಟಲ್ಲಿ ಸಿಕ್ಕ ಪರ್ಸನ್ನುಆತನಿಗೆ ತೋರ್ಸಿದ್ದೆ ತಡ.. “ yes..yes..yes.. this is mine..!!!” (ಹೌದುಹೌದು ಹೌದು ಇದೇ ನನ್ನ ಪರ್ಸ್) ಅಂತ ಕೈಯಿಂದ ಪರ್ಸು ಕಿತ್ಕೊಂಡು ಅವಸರವಸರ ಪರ್ಸು ತೆಗೆದುನೋಡಿದ. ಅವನನ್ನೇ ನಿರೀಕ್ಷೆಯಿಂದ ನೋಡ್ತಿದ್ದ ಅವನ ಹೆಂಡತಿ ಮತ್ತು ಮಕ್ಕಳ (ಆಗ್ಲೇ ನೋಡಿದ್ದುಆತನಿಗೆ ಇಬ್ಬರು ಸುಮಾರು ೧೫-೧೯ ವರ್ಷದ ಸುಂದರ ಹೆಣ್ಣು ಮಕ್ಕಳು ಇದ್ದರು ಅಂತ...!!! ತನ್ನವರತ್ತನೋಡಿ “ಎಲ್ಲಾ ಸರಿಯಿದೆ ..ಅನ್ನೋ ಹಾಗೆ ಬಂಗಾಲಿಯಲ್ಲಿ ಹೇಳಿ...” ನನ್ನ ಕಡೆ ತಿರುಗಿ “thanks gentleman…” ಎಂದ. ನಾನು “you are most welcome” ಹೇಳಿ, ಹೊರಡೋದ್ರಲ್ಲಿದ್ದೆ.. ಅಷ್ಟರಲ್ಲಿ ಅವನ ಹೆಂಡತಿ “one minute please” ಎಂದವಳೇತನ್ನ ಗಂಡನಿಗೆ ಟಿಕೆಟ್ ಬಗ್ಗೆ ಕೇಳಿದ್ಲು... ಆತ ಪರ್ಸ್ ಹುಡಿಕಿದ.. ಊಂಹೂಂ.. ಮತ್ತೆಹುಡುಕಿದ...!! ಮಗದೊಮ್ಮೆ... ಈಗ ಬೆವರಲಾರಂಭಿಸಿದ.. ಟಿಕೆಟ್ ಇರಲಿಲ್ಲ... ’ಇಲ್ಲ ಅನ್ನೋ ಥರತಲೆ ಆಡಿಸಿ ಹೆಂಡತಿನ ನೋಡ್ತಾ... ನನ್ನ ಕಡೆ ತಿರುಗಿ “mister, where are the tickets..??” (ಟಿಕೆಟ್ಎಲ್ಲಿ ಮಾರಾಯ್ರೇ??) ಎಂದ..

ನಾನು ಆವಾಕ್ಕಾದೆ...!!! ಅರೆ ಇವನಾ??!! ಸೌಜನ್ಯವೇಇಲ್ಲವೇ..?? ಎಂದುಕೊಂಡು.. “what sir, I dint even open your purse.. I didn’tsee any thing, then where is the question of the tickets… please search may besome where U have kept…” (ಏನು ಸ್ವಾಮಿ?? ನಿಮ್ಮ ಪರ್ಸು ಓಪನ್ ಸಹಾ ಮಾಡ್ಲಿಲ್ಲನಾನು ಏನನ್ನೂ ನೋಡುಯೂ ಇಲ್ಲ...ಇನ್ನು ಟಿಕೆಟ್ ಪ್ರಶ್ನೆ ಎಲ್ಲಿ ಬರುತ್ತೇ?? ಸರಿಯಾಗಿ ನೋಡಿಎಲ್ಲೋ ಇಟ್ಟಿರ್ತೀರಾ) ಎಂದೆ.. ,ಮತ್ತೆ ಆತ ಪರ್ಸ್ ಚೆಕ್ ಮಾಡಿದ... “no no U onlyhave taken….U gave me back the empty purse… return my tickets…” (ಇಲ್ಲಇಲ್ಲ ನೀನೇ ತೆಗೆದುಕೊಂಡಿದ್ದೀರಾ ಕೊಡು ನನ್ನ ಟಿಕೆಟ್, ನನಗೆ ಖಾಲಿ ಪರ್ಸ್ ಕೊಟ್ಟಿದ್ದೀಯಾ).ನನಗೆ ಏನು ಹೇಳಬೇಕೋ ತೋಚದಾಯಿತು... ಅವನು, ಅವನ ಹೆಂಡತಿ ..ನಾನೇ ಟಿಕೆಟ್ ಕದ್ದಿದ್ದೀನಿ ಅನ್ನೋತರಹ ವರ್ತಿಸೋಕೆ ಪ್ರಾರಂಭಿಸಿ.. ನೀನು ಇಲ್ಲೇ ಕೂತ್ಕೋ ಅಂತ ಅಲ್ಲೇ ಕೂರುಸ್ಕೊಂಡ್ರು.. ಅವರಮಕ್ಕಳಿಬ್ಬರೂ ಅಮ್ಮನ ಹತ್ತಿರ ಪಿಸುಗುಡ್ತಾ ಇದ್ರು... “ಅಮ್ಮಾ ಪಾಪ ಅವರು ನಮ್ಮ ಪರ್ಸ್ ತಗೊಂಡ್ಬಂದು ಕೊಟ್ಟಿದ್ದಾರೆ..ಅಂತಹುದರಲ್ಲಿ ಅವರು ಏಕೆ ಕದಿಯುತ್ತಾರೆ..?” ಎನ್ನುವಂತೆ ಹೇಳಿರಬೇಕು...ಅವರಮ್ಮ ’ನೀವು ಸುಮ್ಮನಿರಿ ಯಾರು ಎಂಥವರು ಹೇಳೋಕೆ ಆಗೊಲ್ಲ...’ ಎಂದವಳು ಗಂಡನಿಗೆ ಏನೋಕಿವಿಯಲ್ಲಿ ಪಿಸುಗುಟ್ಟಿದಳು...
(ಮುಂದುವರೆಯುತ್ತೆ................)

ಅಂಗೇ ಒಸಿ ಅನ್ಸಿದ್ದು....

2012-01-20T22:08:00.000-08:00

(ಚಿತ್ರ ಆಗಸ್ಟ್ ೨೦೧೦ ;ನಯನ ಸಭಾಂಗಣದ ಮುಂದೆ ತೆಗೆದದ್ದು...)

ಇವ್ರನ್ನ ನೋಡ್ರಿ, ಎಂಗನ್ನಿಸ್ತದೆ

ಕುಡಿಯಾಕ್ ಬರ್ದೋರ್ಗೆ ಪ್ಯಾಲ

ಕೊಟ್ರೆ ಅದರ ತಳದ ಬಟ್ಲಿಗೆ

ಸಾರಾಯಿ ಉಯ್ದಂಗೆ ಅನ್ಸೊಲ್ವಾ?

ಯಾವ ಡೈರೆಕ್ಸನ್ನಾಗ್ನೋಡಿದ್ರೂ

ಯಾವತ್ತಾದ್ದಾರೂ ಬೀಡಿ ಸಿಗ್ರೇಟ್

ಅಚ್ಚಿರ್ತಾರಾ ಇವ್ರು...??

ಬಟ್ರು ಕಂಪೂಟರ್ ಪೆಶಲಿಸ್ಟು

ಡಾಕುಟ್ರು ಕಿವಿ, ಗಂಟ್ಲು ಬಾಯಿಗೆ ಬೆಸ್ಟು...

ಇವ್ರ ಕೈಗೆ ಬೆಂಕಿ ಪೊಟ್ನ ಬೀಡಿ

ನಮ್ ಪರ್ಕಾಸಾ... ಅದೇ ಕಣ್ರೀ ಪಕ್ಕುಮಾಮ

ಕೊಟ್ಟಿದ್ದು ತಮಾಸೆ ನೋಡಾಕೆ, ವೇಸ್ಟು..

ಬಟ್ರು ಒಂದಮ್ಮೂ ಎಳ್ದಿರ್ನಿಲ್ಲ ಕೆಮ್ಮೋಕೆಮ್ಮು

ಡಾಕಟ್ರಿಗೆ ಬೀಡಿ ಅತ್ಸಾಕೇ ಆಗ್ನಿಲ್ಲ..

ಔಡ್ ಡೋರ್, ಎಲ್ಲಾರೆದ್ರು, ನಯನ-ಮುಂದೆ

ಎಂಗದಾದು ಅತ್ಸಾಕೆ ಎಂಗಳೆಯರ್ಮುಂದೆ?

ಪುಸ್ಕ ಬಿಡ್ಗಡೆ ಕಾರಿಕ್ರಮ ಒಂಥರಾ ಆದ್ರೆ

ಆಮೇಲೆ ನಡ್ದಿದ್ ಇಂಗೆ...

ಬ್ಲಾಗ್ನಾಗೆ ಮೀಟಾದ್ವಿ,

ನಯನದ್ ಮುಂದೆ ಒಂದಾದ್ವಿ

ಯಾಕೋ ಏನೋ.. ಈ ಬಜ್ಜು, ಎಫ್ಬಿ

ನಮ್ ಬ್ಲಾಗ್ ಬರ್ಹಗಾರ್ಗೆ ತೊಡಕಾಯ್ತಾ ??

ಬರೆಯೋದ್ ಬಿಟ್ರು ಕೆಲವ್ರು, ಬರ್ದರೂ

ಆಕ್ಲೇ ಇಲ್ಲಾ ಬ್ಲಾಗಾಗೆ ಇನ್ಕೆಲವ್ರು

ಬ್ಲಾಗ್ ನಿಮ್ಮ ಖುಷಿ ಅಂಚ್ಕಳ್ಳಾಕೆ

ಸ್ನೇಹಿತ್ರಿಗೆ ಮಾಯಿತಿ ಕೊಡಾಕೆ

ಬರವಣ್ಗೆ ಒಸಿ ಒರೆ ಅಚ್ಕಳ್ಳಾಕೆ

ಎಲ್ಲಾದ್ಕೂ ಎಲ್ಪ್ ಆಗ್ತಿದ್ದೋ.. ಆಪೋಸ್ಟ್ಗಳು

ಬಜ್ ಬಂದ್ ಆಯ್ತು, ಎಫ್ಬಿ ನೂ ಕ್ಲೋಸ್ ಆಗ್ಲಿ

ಮತ್ತೆ ಬ್ಲಾಗ್ ಬಳಗ, ಲೇಕ್ನ, ಬರ್ಲಿ...

Rays of New HOPE

2012-01-02T04:23:00.000-08:00

(to enalarge click on the image)

ಛಾಯಾಚಿತ್ರ ಕೃಪೆ Foto: Niharika Shreekanth (Bangalore)

ಹೊಸವರ್ಷದ ಹಾರ್ದಿಕ ಶುಭಾಶಯಗಳೊಂದಿಗೆ..

Wishing all Friends A Very Happy and Prosperous 2012

2011-12-25T11:39:00.000-08:00

ಚಿತ್ರ: ದಿಗ್ವಾಸ್ ಹೆಗಡೆ

ಸಾವಿಗೇಕೆ ಆಹ್ವಾನ

ಬೆಳ್ಮುಗಿಲ ಬೆಳಕಲ್ಲಿ

ಕಿರಣದಾವರಣ ಹೀಗೇ

ಇಣುಕಿದ ಪರಿಯೇನು?

ಹರಿದಾವರಣ ಕಿರಿದಾಗೆ

ಕಿರಣವಿರದು ರಣಬಿಸಿಲು

ಹರಿತಿಗೂ ಸಿಗದು ಉಸಿರು

ನೆಲ ಜಲಕೆ ಹಾ-ತೊರೆದು

ಕೆರೆಯಂಗಳ ಬಾಯ್ಬಿರಿದು

ಬಿಲ ಬಿಟ್ಟು ಹೊರ ಬಂದಾವು

ಇಲಿಯ ಬೆಂಬತ್ತಿ ಹಸಿದ ಹಾವು

ಮರ ಕಡಿದು, ನೆಲ ಬಗೆದು

ಬರಮಾಡಿಕೊಳ್ಳಬೇಡಿ ಸಾವು

2011-12-16T02:40:00.000-08:00

ಛಾಯಾ ಚಿತ್ರ: ರಂಜಿತಾ ಹೆಗಡೆ

ಉದಯರವಿ
ಉದಯಿಸಿಹ ರವಿಯ ನೋಡು ಹೇಗೆ ಕೆಂಪು ಮೂಡಿದೆ

ಗಗನದಾಚೆ ಪೂರ್ವಾಂಗಣದಿ ಕೆಂಪು ನೀರು ಚಲ್ಲಿದೆ

ಕಿರಣ ಹರಡಿ ಬಾನಂಗಳದಲಿ ಹೊಂಬಣ್ಣವ ಸುರಿಸಿದೆ

ಕಲಕಲರವದಿ ಹರಿವನದಿ ದೇಗುಲ ಘಂಟೆ ಮೊಳಗಿದೆ

ಮೋಡವೆರಡೋ ಮೂರೋ ಧೈರ್ಯತುಂಬಿ ನಿಂತಿವೆ

ಒಡಲಾಳದಿ ಹನಿಗಳೆರಡ ಬಸಿರ ಬಯಕೆ ಹೊಂದಿವೆ

ಬೆಳಗಿನ ತಣ್ಣನೆಯ ಗಾಳಿ ತಾಗಿ ಮೋಡ ಭಾರವಾಗಿವೆ

ಹೀಗೇ ಹಲವು ಕೂಡಿ ಒಮ್ಮೆ ಭೂಮಿತುಂಬಾ ಹನಿಸಿವೆ

ಹನಿಯ ಕುಡಿದ ಮಣ್ಣು ತಾನೂ ಬೀಜ ಫಲಕೆ ಕಾದಿದೆ

ಬೀಜ ಬಿರಿದು ಮೊಳಕೆಯೊಡೆದು ಸಸಿತಲೆಯ ಎತ್ತಿದೆ

ಸಸಿಯೂ ಸವಿದು ನೀರಧಾರೆ ಬೆಳೆದು ಹೆಮ್ಮರವಾಗಿದೆ

ಮರಗಳೆಷ್ಟೋ ಭೂಮಿಗಪ್ಪಿ ಹಸಿರ ಹೊದಿಕೆಯಾಗಿದೆ

ಬೇಡ ಮನುಜ ಭೂಮಿ ಕಣಜ ಬಗೆದು ಖನಿಜದ ಆಸೆಗೆ

ಮಣ್ಣ ಕೊರೆತ ಮರಕೆ ಹೊಡೆತ ಬೀಳುವುವೆಲ್ಲ ಭೂಮಿಗೆ

ಹರಿವನದಿ ಕೊರೆವ ಬದಿ ನೆರೆಹಾವಳಿ ಸತತ ಬದುಕಿಗೆ

ಮೋಡಮಾಯ ಕಾಡುಮಾಯ ಸುಡಲು ಸೂರ್ಯಬೇಗೆ

2011-12-07T22:45:00.001-08:00

ಛಾಯಾ ಚಿತ್ರ: ಪ್ರಕಾಶ್ ಹೆಗ್ಡೆ

ಜೀವನದಿ

ಹುಟ್ಟುಹಾಕಲು ಬೇಕು

ಗುಟ್ಟು ಅರಿಯಲು ಬೇಕು

ಇಲ್ಲವಿದು ಸುಲಭ ಹಾದಿ

ಮೆಟ್ಟಿ ಉಬ್ಬರಿಸೋ ಅಲೆ

ಜೀವ ಬಿಗಿಗೊಳಿಸೋ ಸೆಲೆ

ಏರಲೆಂದು ಬಯಸಿ ಗಾದಿ

ಬಿಟ್ಟು ತೀರದ ಬದುಕು

ಕಟ್ಟು ಬಾಳಿನ ಸರಕು

ನೀರ ಸೋಸುವುದೂ ಕಲೆ

ಜಲನಯನದ ಸೊಬಗು

ರುದ್ರ ಶರಧಿಯೂ ಮೆರಗು

ಹಾಯಿ-ಹಡಗು ಮೀನಬಲೆ

ಸುಳಿಗಳಿಲ್ಲದೇ ಎಲ್ಲಿದೆಜಲಧಿ

ಅಗಣಿತ ಗುಣ ಜಲಪರಿಧಿ

ಗಣಿ-ತೈಲ ಮುತ್ತುಹುಟ್ಟುವುದಿಲ್ಲಿ

ನೆಲದಿ ಹರಿದಾಡಿರೆ ಸಿಹಿ

ಸಿಹಿಕೂಡಿ ಉಪ್ಪಿನಾಮೋಹಿ

ಸಾವಿನಲ್ಲೂ ದಿಟಬದುಕಿಹುದಿಲ್ಲಿ

ರಾ-ವಣ್ ಮತ್ತು Make-A

2011-11-09T11:18:00.000-08:00

ರಾ-ವಣ್ ಮತ್ತು Make-A

ನಾನ್ ಕಣೋ... ಮೇ.ಮೇ..ಮೇ..ಮೇಕೆ

ಅಂದ್ರೆ ನೀನ್ ಮಾಡಿದ್ದೇನು? Make-A?

ಎಲ್ಲಾ ವಿಲನ್ಗಳೇ ಹೀರೋಗ್ಳಾಗ್ಬಿಟ್ರೆ

ರಾಮನ ಹೆಸರು ಹೋಗಿ..ರಾ-ವಣ್ ಏ?

ನನ್ ಕಿವಿ ಮೂಗು ನಾಲ್ಗೆ ಜೂಲನ್ನೂ ಬಿಡ್ಲಿಲ್ಲ

ಎಲ್ಲಾ ತೂತು, ಲೋಲಾಕು ಹೇರ್ ಸ್ಟೈಲು

ಕಣ್ ಕಂಡ್ರೂ ಕುರ್ಡ, ಏರ್ಸಿ ಕಣ್ಗೆ ಕೂಲಿಂಗು

ಒಳ್ಗೆಷ್ಟೋ ನೋವು, ತೋರಿಸ್ಕೊಳ್ಳೋದು ಸ್ಮೈಲು

ಮೇಕೆಗೆ ಯಾಕೆ ಬೇಕು? ಕೇಳಿದ್ನೇ ನಾನೀ ಶೋಕು?

ನಂಗೆ ಹಿಂಸೆ ಆಗುತ್ತೋ ಅಂದ್ರೆ ಕೇಳೋ ಮನಸೆಲ್ಲಿ?

ಮಾಡ್ತೀಯಾ ಏನೇನೋ, ಬೇಕಲ್ವಾ ನಿಂಗೂ ಬ್ರೇಕು?

ಯಾವ ಪ್ರಾಣೀನ ತಾನೇ ಬಿಡ್ತೀರಾ ಇತಿಯೆಲ್ಲಿ ಮಿತಿಯೆಲ್ಲಿ?

ನಮ್ಲೋಕ

2011-10-31T04:22:00.000-07:00

ಚಿತ್ರ: ದಿಗ್ವಾಸ್ ಹೆಗಡೆ

ನಮ್ಲೋಕ

ಕಣ್ಣ ಮುಚ್ಚಿ ಕುಂತಿನಿ

ಯಾಕೋ ಆಮ್ಯಾಲೆ ಹೇಳ್ತೀನಿ

ಆಡಾಕ್ಬಂದ್ರೆ ನಂನ್ಗುಟ್ಟು

ನಾ ನಿನ್ಜೊತೆ ಹಂಚ್ಕಾತೀನಿ

ಅಪ್ಪಾ ಕೊಟ್ಟ ಐದ್ರುಪಾಯ್

ಕೊಂಡ್ಕೊಳ್ಳಾಕೆ ಕಳ್ಳೆಕಾಯ್

ಇಬ್ರೂ ಕುಂತ್ಕಂಡ್ ತಿನ್ನಾಣಾ

ತಿನ್ನೋದ್ಚಂದ ಪುಟ್ಪುಟ್ಬಾಯ್

ಕಣ್ಣಾಮುಚ್ಚೆ ಕಾಡೆ ಗೂಡೆ

ಅವ್ಳೂ ಬಂದ್ಲು ಆಡಾಕ್ನೋಡೇ

ಪುಟ್ಲಂಗ ಆಕೊಂಡ್ ಪುಟ್ನಂಜಿ

ಅಮ್ಮ ಕೊಡ್ತಾಳೆ ಸೀರುಂಡೆ

ಸಂಜೆಗಂಟ ಆಡೋಣಾ

ಜಗ್ಲಿ ಅತ್ಕೊಂಡ್ ಕೂರೋಣಾ

ಕುಂಟಾಬಿಲ್ಲೆ ಚೌಕಾಬಾರಾ

ನಮ್ನಮ್ ಮನೀಗೋಗೋಣಾ

ಮಕ್ಳೂ ನಾವ್ ನಮ್ದೇ ಲೋಕ

ಕಪ್ಟ ವಂಚ್ನೆ ಇದ್ಯಾವ್ಲೋಕ

ಅವ್ರಿಗ್ ನಾನು ನನ್ಗೆ ಅವ್ರು

ಕಲಿಯಾಕ್ನಿಮ್ಗೆ ಬ್ಯಾರೆ ಬೇಕಾ?

ಔರ್- ಕಹೇಂ- ಆಪ್ ಸುನೋ

2011-10-25T08:24:00.000-07:00

ऎक्कहानी

किसीनॆ कहा लॆ लॊ ऎह् दौलत् ऎह् शॊह्रत्

भलॆही छीन् लो मुझ् सॆ मेरी ऎह् जवानी

अरॆभाय् कौन् कंबख्त् लेगा तुम्हारी जवानी

हम खुद् हैरान् है...क्यू नहीं कोयी कॆह्ता

मैबीता कल् नहीं बस् वह् थी ऎक् कहानि

ಎಕ್ ಕಹಾನೀ

ಕಿಸೀ ನೆ ಕಹಾ ಲೆ ಲೊ ಎಹ್ದೌಲತ್ ಎಹ್ ಶೊಹ್ರತ್

ಭಲೆ ಹೀ ಛೀನ್ ಲೋ ಮುಝ್ಸೆ ಮೇರೀ ಎಹ್ ಜವಾನೀ,

ಅರೆ ಭಾಯ್ ಕೌನ್ ಕಂಬಖ್ತ್ಲೇಗಾ ತುಮ್ಹಾರೀ ಜವಾನೀ?

ಹಂ ಖುದ್ ಹೈರಾನ್ ಹೈಂ...ಕ್ಯೂನಹೀಂ ಕೋಯೀ ಕೆಹ್ತಾ

ಮೈ ಬೀತಾ ಕಲ್ ನಹೀಂ, ಬಸ್ ವಹ್ ಥೀ ಎಕ್ ಕಹಾನಿ

पागल

हमपागल थे उस्के पीछे इस कदर

खानापीना भी छूटा हो गये बेखबर

आखिरएक दिन जनाज़ा हमारा निकला

उस्केपीछॆ दॊस्त दुश्मन सारा जहां निकला

मगरवह न निकली जिस्के लिये मेरा जनाज़ा निकला

ಪಾಗಲ್

ಹಮ್ ಪಾಗಲ್ ಥೇ ಉಸ್ಕೇಪೀಛೇ ಇಸ್ ಕದರ್

ಖಾನಾ ಪೀನಾ ಭೀ ಛೂಟಾ ಹೋಗಯೇ ಬೇಖಬರ್

ಆಖಿರ್ ಏಕ ದಿನ್ ಜನಾಜ಼ಾಹಮಾರಾ ನಿಕಲಾ

ಉಸ್ಕೇ ಪೀಛೆ ದೊಸ್ತ್ದುಶ್ಮನ್ ಸಾರಾ ಜಹಾಂ ನಿಕಲಾ

ಮಗರ್ ವಹ್ ನ ನಿಕಲೀಜಿಸ್ಕೇ ಲಿಯೇ ಮೇರಾ ಜನಾಜ಼ಾ ನಿಕಲಾ

तोड्- मोड्

जॊड्चुकॆ दिल् तुम्सॆ..

हिम्मत्हो तॊ तोड् कॆ देखो....

मोड्चुकॆ राह् जीनॆ की...

हिम्मत्हो तॊ साथ् छोड् कॆ दॆखो

ತೋಡ್-ಮೋಡ್

ಜೊಡ್ ಚುಕೆ ದಿಲ್ ತುಮ್ಸೆ..

ಹಿಮ್ಮತ್ ಹೋ ತೊ ತೋಡ್ ಕೆದೇಖೋ....

ಮೋಡ್ ಚುಕೆ ರಾಹ್ ಜೀನೆಕೀ...

ಹಿಮ್ಮತ್ ಹೋ ತೊ ಸಾಥ್ಛೋಡ್ ಕೆ ದೆಖೋ

ಪಾರೂ..ಹೋಗೋಣ್ವಾ ರೈಡ್ ಒಂದ್ಚೂರು....???.

2011-10-14T10:17:00.000-07:00

ಚಿತ್ರ ಕೃಪೆ: http://www.facebook.com/dharamjagran

ಬಸ್ವನ್ ಮ್ಯಾಲೆ ಕುಂತೂ ಕುಂತೂ ಬೋರಾಗೈತೆ

ಬೆನ್ಕ ಆ ಪಿಳ್ಳಾರಿ ಎಗ್ಣದ್ ಮ್ಯಾಲೆ ..

ನಿನೂ ಉಲಿ, ಸಿಮ್ಮ ಅಂತ ಬ್ಯಾಸ್ರ ಮಾಡ್ಕಂಡಿದ್ದೀಯಾ

ಬಾ ಆತ್ತಾಗೆ ..ಪಾರೂ ಓಗ್ಬರ್ಮಾ ಒಂದ್ ರೌಂಡು..

ಆ ಬಸ್ವ ತಿಂದೂ ತಿಂದೂ ಲದ್ದಿ ಆಕ್ತಾನೆ

ಇವ್ನ ಎಗ್ಣ..ಊನಿ ಕಾಣ್ದೇಟ್ಗೇ ಇವ್ನ ಬೀಳ್ಸಿ ಓಡೋಗ್ತದೆ..

ಇನ್ನ ನಿನ್ನ ಉಲಿ ಸಿಮ್ಗೋಳು..ದುಬಾರಿ ಆಗವೆ